VORSTIUS Ael

VORSTIUS Ael

Everhardus, ex samilia clara Ruremundae in Menapiis natus A. C. 1565. ab Alphonso Catanaeo Archiatro Ferrariensi commendatus Nic. Grano Episcopo Anglonensi, in magna Graecia, ad Sinum Tarentin. Eius domesticus Medicus per triennium fuit: hôc defunctô in aula Fabricii Pignatelli March. Querceti per annum commoratus, post 14. annorum peregrinationem domum reversus est, A. C. 1595. Tum Practicus Delphensis primo, inde Medicinae Professor Lugduno--Batavus

constitutus, A. C. 1598. obiit A. C. 1624. aetat. 59. a Petro Cunaeo pro funere laudatus. Edidit Commentariolum de Annulorum Origine, in gratiam Abr. Gorlaei, qui Dactyliothecae eius praefixus est, Obser vationum rerumque memorabil. per magnam Graeciam, Iapygiam, Lucaniam, Brutios etc. Commentarium Hodoeporicum: De Bataviae piscilius: Notas ad Corn. Celsum de Re Medica. Auctor Vitarum Profess. Leidensium, et Franc. Sweertius Athenis Belg. Pater fuit Adolphi, itidem Medicinae D. et in Acad. Leidensi Professoris, ac, rarô exemplô, Patris sui Collega: Claudii Salmasii amicus singularis, cui etiam defuncto parentavit. Obiit A. C. 1663. aetat. 66. Scripsit, Catalogum plantarum Horti Academici, cui accessit, Index plantarum indigenarum, quae prope Lugdunum in Batavis nascuntur: Disputationes varias Physico--Medicas: Orationes funebres in exsequiis Petri Cunaei, Salmasii etc. Idem recognovit versionem Ioh. Opsopoeii Aphorismorum Hippocratis etc. Ex Orat. fun. Ioh. Anton. Lindani. Freherus. Theatrô virorum eruditione claror.